> Zurück

Turnfahrt Rückblick

Vorstand 17.09.2018

d'Turnfahrt isch es mega Erläbnis gsi aber leider scho wieder verbi!
Wie scho bim letschte Jubiläum vom TV Buebike hät sich de Hugo dä Organisation agno und es unvergesslichs Programm zemegestellt.
Mir sind go bike, klettere, rodle, Rodeo riite, Bähnli fahre, wandere, aperöle, nagle, Holz rüere, Maskottli usführe, Metzgete gnüsse, meiere, jasse, pfuuse, Sunne-ufgang aluege, Töffli fahre, schwümme, Standup paddle und vieles vieles meh.
Viele Dank as OK für die ribigslosi Organisation und natürli au a die insgesamt 24 Teilnehmer, wo mitgmacht händ.